Intraday Trading me loss kaise kam karein? Stock Market ke Funde

Doston maine kal ek video dekha Instagram Reels me, jisme koi ek influencer bahut saara paisa kamai kar raha tha. Main ye dekh kar socha ki sab log kamai ka dikhate hain, taaki clients fatafat trade karein, ye galat bhi nahi hai. Lekin Jaise mere papa kaha kehte the ki munafe se pehle loss kam karna seekhna zaroori  hai. Kyon ki ek doosre se alag nahi hai. Agar aap loss kam kam karna seekho to fir munafa apne aap aayega. Ye ek coin ke do sides jaisa hai. Head agar loss hai to tail hai munafa. Farak itna hai ki head gire ya tail gire, ispe aapka control bilkul nahi rehta, lekin profit hoga ya loss ispe aapka 95% control hai. Baaki 5 % luck and external factors ke upar dependent hai. To aaj ke video me main aapko wohi dikhaunga ke kaise aap loss ko minimize kar sakte hain, wo bhi intraday trading me.

Angel shoutout
Agar aap chahte hain desh ke number 1 Full Service Broker, jo abhi ek Fully Functional FIntech company me transform ho chuki hai, matlab AngelOne ke saath aapka Demat account open karein, aur best facilities payein jaise

  1. One year Free AMC
  2. Smallcase
  3. SmartAPI
  4. Flat 20 Rs brokerage
  5. Personalized advisory
  6. MTF Facility

In sab ka fayda lene ke liye, apna free demat account aaj hi open kijiye
Open Free Demat Account with Angel One

Intraday me loss kam karne ke tarike

Intraday trading ek chkaravyuh jaisa hai. Aapko decide karna hai ke aap abhimanyu banenge? Jisko ghusne ka tareeka pata tha, lekin nikal neka nahi, ya fir Arjun ki tarah dono me maahir honge. Waise abhimanyu veer zaroor tha, lekin veergati ko prapt hua tha, isliye mera suggestion ye hoga ke Arjun banna hi sahi hoga.

  1. YouTube videos se bach ke – Mera bhi YouTube video hi hai, to phir aap puchenge ki main kyun keh raha hoon YT videos se bachke? Main un videos ke baare me bol raha hu jo har roz dhamaka karne ki baat karte hain. Har din shaam ko kuch channels me dhamaka hota hai, ki kal fala shares me bhari uchaal aayega, kamalo etc etc. Kya aise videos nahi dekhein? BIlkul dekhiye, log lakhon kamate bhi hain aise stocks pe. Lekin videos dekhne ke baad money control ya koi bhi trustworthy research website ya apne advisor ke saath discuss kariye following topics pe
    1. Kya company ke financials theek hai
    2. Dhamaka hone ke liye jo news ka hawala diya jaa raha hai wo kitna shi aur kitna fake hai
    3. Kya us stock pe pehle bhi aisa hua hai?
    4. Kya is case me operator play ka chances hai? Operator play ka matlab ye hain ki kuch log milke hawa banayenge ek topic par, phir uspe sab investors toot padenge, aur phir jaise hi volume badhega, original hawa banane wale apna position square off karke munafa kamake nikal jayenge. In original investors ka shares ke volumes itne zyada hote hain ki jaise wo square off karte hain, waise hi volume girta hai aur price niche aata hai. Yaani baaki logo ke liye loss.

Complete Course on Stock Market 

Mera advice is matter me ye hoga ki saare videos ko dekhiye, lekin apne dimaag se uska analysis kijiye, fir sah lage to hi invest kijiye. Andhe ki tarah kisi ke baaton me aayenge to khadde me aap girenge, dhamaka karne waala apna dhamaka karake nikal lega.

  1. Stop loss order ki complete jaankari: Intraday trade karne me aapka sabse bada weapon hai Stop loss order. Stop loss kya hai? Koi bhi buy ya sell order pe aap stop loss laga sakte hai. Buy karte waqt aap support levels check karte hain aur support level ke upar jaake buy karte hain. Support level kya hain? Ye ek historically tested level hota hai jahan se prices bounce off hoti hai. Isliye aapko stop loss slightly below the sup[port level pe lagana hota hai. Similarly sell signal ya level hai resistance level. Normally resistance level se niche aane pe aap sell karte hain, lekin intraday me stop loss resistance level ke theek upar lagana chahiye. Is tareeke se stop loss ka mechanism aapko loss amount pe control dila sakta hain.
  2. Emotional decision na lein – Sabse important aspect hai ki emotional decisions mat lijiye. Intraday me aksar hota hai ki koi ek stock pe achanak movement hua aur wo upar gaya ya niche gaya. Agar aap us time pe us shares ke technicals and financials ke baare me nahi jante to fir usko buy karna ya bina samjhe sell karna juya khelne jaisa ho jayega. Matlab coin toss, ya to naseeb laga to profit warna loss. Intraday me jo log maximum profit kamate hain wo aisa nahi karte. Emotional hoke koi decision nahi lete. Koi bhi stock pe pura din fluctuation nahi hota. Specific time pe hua to fir soch samajh kar decision lijiye, emotional hokar nahi.
  3. Ek watchlist banaiye – Jo bhi sector ko aap follow karte hain uska ek watchlist bana lijiye aapke trading app mein. Un stocks ke historic data and technical analysis ho handy rakhiye taaki unke daily movements aapke samajh me aaye.
  4. Ekdam se naye stock pe bahut zyada investment mat kijiye. Dheere dheere investment ka amount ko badhaiye, start hamesha kam amount se kijiye taaki agar loss ho bhi, to wo bade amount ka na ho.

To Get Free Study Content Click Here 

Basically soch samajh kar chess khelna hai Trading. Lekin kuch log isko juwa khelna jaise bolte hain aur aapko usi tarah drive karte hain. Of course unka target hai ki aapko us technique se invest karaye aur apna profit badhaye. Lekin ye gambling nahi hai, ye chess ka game hai, jiske har movement ke peeche logic hai, structure hai, agar aapko strcuture aur logic samajh nahi aa raha to kisi expert se puchiye, baat kijiye, seekh lijiye, fir apna keemti waqt aur paisa invest kijiye. Warna haat me khali batua reh jayega, aur Youtube video pe dhamake pe dhamake hote rahenge.

Do share your thoughts via comments.

For More Details

Leave a Comment

Your email address will not be published. Required fields are marked *

Share on facebook
Share on twitter
Share on linkedin

Related Post

Shopping Cart